Ginpahibalo sang state weather bureau sa idalom sang Department of Science and Technology (DOST) nga gamay ang tyansa nga mag-develop ang bagyo sa Pilipinas sa masunod nga duha ka semana.
Sandig sa forecast sang state meteorologists, nagapanaog ang tropical cyclone threat potential sa sulod sang duha ka semana halin subong.
“Mababa ang tyansa na may mabuong bagyo sa loob ng dalawang linggo. Dahil dito, nakababa ang TC Threat Potential sa loob ng forecast period,” kabahin sang tropical cyclone (TC) threat potential forecast.
Halin sang Nobyembre 1-7, gin-report man sang Philippine Atmospheric, Geophysical and Astronomical Services Administration nga wala sang TC-like vortex nga nakit-an sa sulod sang Philippine Area of Responsibility (PAR).
“Model forecasts suggest that a TCLV will likely emerge over the eastern boundaries of the PAR, with TCID having a low chance of TC development,” dugang sang PAGASA.
Sa Nobyembre 8-14 naman, posible ang formation sang TC-like vortex sa eastern boundary sang PAGASA monitoring domain apang manubo ang tyansa sang TC genesis.
“Therefore, the TC-Threat Potential is unlikely over the next two weeks,” suno pa sa state weather bureau.
Dugang sang PAGASA, antes magtakop ang Nobyembre, posible ang pagsulod sang isa tubtub duha ka bagyo bangud tipikal nga naga-landfall ang bagyo sa sini nga bulan.
