Wala na ang Pilipinas sa mga pungsod nga ginabantayan sang international body for money laundering and countering financing of terrorism (AML/CFT) halos apat ka tuig matapos nga nalakip ang pungsod sa ginatawag nga anti-dirty money “grey list.”
Sa isa ka pahayag nga ginpaguwa, kasunod sang tatlo ka adlaw nga Plenary (Pebrero 19-21), ang Paris-based Financial Action Task Force (FATF) nag-anunsyo nga ang Pilipinas wala na sa idalom sang dugang nga monitoring.
Kon ang Financial Action Task Force nagabutang sang isa ka pungsod sa idalom sang “grey list” ukon dugang nga pagbantay, nagakahulugan ini nga ang isa ka pungsod nagkomiter sa pagresolba sang nakilala nga mga strategic deficiencies sa sulod sang ginkasugtan nga timeframes kag napaidalom sa dugang nga monitoring.
