ILOILO CITY – Wala na sang himuon nga masunod nga tikang ang Pilipinas matapos nga ginbasura sang Appeals Chamber sang International Criminal Court ang request sang pungsod nga i-suspend ang imbestigasyon sa kontrobersyal nga drug war.
Suno kay President Ferdinand “Bongbong” Marcos Jr., wala na sang rason para sa Pilipinas nga maangut sa International Criminal Court.
Nagpanindugan ang presidente nga indi na magkooperar ang pungsod sa the Hague-based court bangud sa isyu sang jurisdiction kag pagpang-atake sa soberanya sang pungsod.
Suno naman kay Senate justice and human rights committee chairman Francis Tolentino, dapat nga kilalahon sang International Criminal Court ang soberanya sang Pilipinas.
Nahibaluan nga ang Pilipinas ang nag-withdrew sa Rome Statute sang March 2019 sa idalom ni anay President Rodrigo Duterte nga amo ang nagpasimuno sang drug war.
