Wala nagpaulihi ang Team Philippines sa opening ceremony sang 2024 Paralympic Games sa Paris, France.
Bugal nga ginbitbit sang para swimmer nga si Ernie Gawilan kag para-archer nga si Agustina Bantiloc ang bandera sang Pilipinas sa mga rites nga ginhiwat sa Place de la Concorde kag sa Champs-Elysees.
Ang mga nag-upod sa ila sa parada amo sanday para swimmer Angel Otom, para taekwondo athlete Allein Ganapin, para-athletics wheelchair racer Jerrold Mangliwan, kag para-athletics javelin thrower Cendy Asusano.
Suno sa Philippine Sports Commission chairman nga si Richard Bachmann, ini ang pinakadako nga delegasyon sang pungsod halin sang 2012.
Si Bachmann nagsiling man nga ini ang mangin pinakadaku nga squad nga nahimo napadala sa Paralympic Games pagkatapos sang 12 ka tuig.
Ginkalipay man sang mga Pilipino sa Paris nga makita ang mga ikasarang sang mga Pinoy Paralympians sa internasyonal nga entablado.
