Yara sa ika-46 sa listahan ang Pilipinas sa 53 ka mga pungsod kun pagdumala sa COVID-19 crisis ang pagahambalan.
Ini nga data ang ginpakita sa pagtuon sang isa ka US news site.
Sa “COVID resilience ranking” sang Bloomberg, ginbasehan ang 10 ka mga key metrics nga ginalakipan sang pagtaas sang kaso sang COVID-19, mortality rate, healthy system capacity, lockdown impact, community mobility, kag kasugtanan sa pagsuplay sang bakuna.
Tagsa ka components ang may yara sang score humalin sa zero tubtob sa 100 sa diin 100 amo ang ginakabig nga “the best”.
Ang nagapanguna sa ranking amo ang New Zealand bangud sa madasig kag determinado nga mga tikang nga ginahimo batuk sa virus.
Samtang sa bahin sang mga Southeast Asian nations, ang Vietnam ang ika-10 sa listahan, ika-11 ang Singapore, yara sa ika-kinse sa listahan naman ang Thailand, ika-19 ang Indonesia kag ang Malaysia ang ika-29.
Yara naman sa mataas nga ranko ang mga malapit sa Asian coutries kaangay na lang sang Japan nga nagapangaduha sa sa may madasig nga COVID-19 response, nagapangatlo ang Taiwan, pang-apat ang South Korea, ika-walo ang China kag ika-dose naman ang Hong Kong.
