ILOILO CITY- Nagapabilin ang Pilipinas nga isa sa nagapanguna nga pungsod sa kalibutan kun crony capitalism ang istoryahan.
Ang crony capitalism amo ang pagpabor sa pila ka mga negosyante nga malapit sa gobyerno nga mag-enjoy sang mas madamo nga economic advantages kun ipaanggid sa iban.
Base sa latest crony-capitalism index sang The Economist, ginapakita nga ang manggad sang mga bilyonaryo sa Pilipinas ang naglapaw sa 10 percent sang gross domestic product (GDP) sang 2021.
Suno sa The Economist,ini nga mga crony sectors ang ginalakipan sang banking, casinos, defense, extractive industries kag construction.
Santo sa ranking, nagapang-apat ang Pilipinas sa crony capitalism sa diin nagapanguna diri ang Russia, nga ginasundan sang Malaysia kag Singapore.
