Iloilo – Pangunahan sang banwa sang Carles, Iloilo ang pagpatukod sang pinakadako nga Inter-Agency Task Force batok sa illegal, unreported, kag unregulated fishing sa pungsod.
Sa interview sang Bombo Radyo kay Carles Mayor Siegfredo Betita, iya ginpahayag nga naghingyo ini sang bulig sa mga national government agencies bangud indi makasarang ang Bantay Dagat sa pagpapas sang illegal fishing sa amo nga banwa.
Suno kay Mayor Betita, mangin ang masobra 1,000 nga mga pumuluyo ang nagpasa man sang petisyon agud suportahan ang task force.
Ginpahayag sang natungdan nga nag-allocate ang banwa sang Carles o sang P2.5 million nga pondo agud mapreserba kag maprotektahan ang marine resources.
Dugang ni Betita,kumpleto man ang mga equipment sang Bureau of Fisheries and Aquatic Resources, Philippine Coast Guard, kag Philippine Navy agud siguraduhon ang pagprotekta sa nasambit nga banwa batok sa iligal nga manugpangisda.
