ILOILO CITY – Nagsugod na ang ginakabig nga pinakadako nga international maritime exercise sa kalibutan.
Ang Pilipinas upod sang iban pa nga 25 ka mga pungsod ang nagpasakop sa Rim of the Pacific (RIMPAC) drills.
Suno sa US Navy nga amo ang host sang RIMPAC 2022, ang mga nagpasakop nga pungsod ang nagpadala sang 38 ka surface ships, apat ka submarines, siyam ka national land forces, masobra sa 30 ka unmanned system, 170 ka aircraft kag masobra sa 25, 000 ka personnel sa nasambit nga exercises.
Ang BRP Antonio Luna (FF-151) nga may yara sang guided-missile frigate ang ginpadala sang Philippine Navy.
Ang maritime drills ang ginapatigayon sa palibot sang Hawaiian islands kag southern California nga magatakop sa Agosto 4.
Kabahin sang mga nagpasakop nga pungsod amo ang masunod: Australia, Brunei, Canada, Chile, Colombia, Denmark, Ecuador, France, Germany, India, Indonesia, Israel, Japan, Malaysia, Mexico, Netherlands, New Zealand, Peru, South Korea, Singapore, Sri Lanka, Thailand, Tonga, kag United Kingdom.
Gin-welcome ni Vice Admiral Michael Boyle sang Third Fleet sang US Navy nga amo man ang RIMPAC 2022 commander ang mga tagpalasakop sa ginpatigayon nga kick-off gathering sang Navy leaders.
Subong nga tuig, ang RIMPAC ang magapatigayon sang “wide range of capabilities” nga naga-project sang flexibility sang maritime forces sa pagbulig sa pag-promote sang hilway kag bukas nga Indo-Pacific.
Ini nga drills ang ginalakipan sang gunnery, missile, anti-submarine kag air defense exercises, amphibious, counter-piracy, mine clearance, explosive ordnance disposal, diving kag salvage operations.
