SOUTH KOREA – Ginpasarado ang pinaka dako nga shopping mall sa South Korea bangud sa gulpi nga pagsaka sang numero sang kaso sang COVID-19.
Ini matapos nga nagpadulong sa mall ang isa ka tigulang nga lalaki nga ginapahayag nagpositibo sa nasambit nga balatian.
Matapos magsara, gindisinfect ang mall kag posible nga magabukas pagkatapos sang tatlo ka adlaw.
Samtang, naka totally lockdown naman ang Daegu city nga may pinakadamo nga narekord nga kaso sang COVID-19.
Ang Daegu city ang malapit sa Busan sa diin madamo sang mga Pilipino.
Sa subong nagadangat na sa halos 200 ang apektado sang coronavirus sa nasambit nga pungsod samtang isa naman ang patay.
