Liwat nga pagabuksan sang Japan ang pinakadako nga planta sang nuclear power sa bilog nga kalibutan sa masunod nga semana.
Ini matapos mapilitan nga pauntaton ang una sini nga pag-testing sa pag-restart sini halin sa una nga trahedya sa Fukushima sang tiuig 2011 bangud sa isa ka aberya sa alarm sini.
Suno kay Takeyuki Inagaki, head sang Kashiwazaki-Kariwa plant nga ginapadalagan sang Tokyo Electric Power (TEPCO) ang planta kag ila paga-umpisahan ang reactor sa Pebrero 9.
Bangud sa isa ka error sa configuration sini, may ara sila sang nakit-an nga problema sa kuryente sang isa ka kable sa kuryente.
Ang ini nga power plant wala na naga-andar halin sang nag-untat ang Japan sa paggamit sang nuclear power matapos ang makusog nga linog kag tsunami nga nagdala sang meltdown sa tatlo ka reactor sang Fukushima atomic plant sang 2011.
Sa subong handom sang Japan nga buhion ang atomic energy agud mabuhinan ang pag-asa sa fossil fuels, malab-ot ang carbon neutrality sa pagalab-ot sang 2050.
Natunga naman ang opinyon sang publiko sa palibot, ginabulubanta nga 60% sang mga residente ang ini magpasugot sa pag-resart.
Samtang, 37 % naman ang nagasuporta sa survey base sa Niigata prefecture sang Setyembre.
