Nakakadto ka na bala sa ginakabig pinakamalinong nga airport sa kalibutan?
Kun wala pa, ilagaw ko ikaw didto subong nga aga.
Ini amo ang Mattala Rajapaksa International Airport sa Sri Lanka kag nahamtang mga apat ka oras nga byahe ang kalayuon gikan sa capital city sang Colombo.
Ang paluparan may yara sang tuman ka diutay nga flights sa pihak sang dako nga size sang airport.
Makit-an sa Hambantota, ang Mattala Rajapaksa International Airport ang may yara lang sang pito ka tawo nga nagaagi sa terminal sini sa isa ka adlaw.
Ang paluparan napalibutan sang kagulangan kag gagmay nga villages.
Ang airport ginbuksan sang 2013 kag tubtob subong, nagamantinir lang ini sang pito ka pasahero kada adlaw bisan pa nga isa ini ka international airport.
