Naglapaw na sa 40,000 ka mga kaso sang Coronavirus Disease 2019 (COVID-19) ang Pilipinas matapos madugangan sang 1,531.
Ini na ang pinakamataas nga numero nga nagdugang sa isa lang ka adlaw ummpisa sang pandemya.
Matandaan nga sang Hulyo 2, may yara lamang sang 294 ka mga nagdugang nga kaso sang COVID-19 sa Pilipinas bangud sa pagbaylo sang Department of Health sa bag-o nga data extraction system.
Suno kay Health Undersecretary Maria Rosario Vergeire, kinahanglan nga magbaylo sang panibag-o nga data extraction system ang DOH agud nga maakomodar sang maayo ang data submission sang mga reporting units.
Sa panibag-o nga kaso, 668 diri ang fresh cases kag 843 ang late cases.
Ang 843 nga late cases amo ang pinakamaatas nga numero halin sa Mayo 31.
Sa fresh cases, 255 ang gikan sa National Capital Region, 138 ang gikan sa Region 7, 24 ang repatriated Filipinos kag 271 naman ang na rekord nga taga iban nga lugar.
Sa late cases naman, 158 ang gikan sa NCR, 163 halin sa Region 7, walo ang repatriates kag 514 ang halin sa iban nga lugar.
Samtang 11,084,490 ang kaso sang COVID-19 sa bilog nga kalibutan, 526, 397 ang patay kag 6,208, 643 naman ang naka recover
