Nagtaliwan na ang pinakatigulang nga tawo sa kalibutan nga amo si Maria Branyas Morera nga nagaedad sang 117.
Ginkumpirma man sang Guinness World Records (GWR) ang kamatayon ni Morera sa edad nga 117 ka tuig kag 168 ka adlaw, nga naghimo sa iya bilang ikawalo sa pinakatigulang nga tawo sa maragtas.
Napatay si Maria sa nursing home sa Catalonia, Spain, kun sa diin siya nagpuyo sang nagligad nga duha ka dekada.
Si Morera ang ginkilala sang Guinness bilang world’s oldest living person sang January 2023 matapos nga napatay ang French nun nga si Sister André sa edad nga 118.
