Ginalauman nga maabot na sa Hunyo 25 sa baylo nga Hunyo 21 ang first batch sang Moderna COVID-19 Vaccines sa Pilipinas.
Suno kay Vaccine czar Carlito Galvez Jr., bangud sa logistical kag transportation challenges, ginmove ang petsa sang pag-abot sang 250,000 doses sang nasambit nga US-made vaccine brand sa pungsod.
Ini ang pinakauna nga shipment sang nasambit nga bakuna sa pungsod sa diin ang 100,000 doses ang ihatag sa pribado nga sektor kag 150,000 doses naman para sa gobyerno.
Pahayag ni Galvez, magluwas diri, ginalauman naman nga magaabot sa bulan sang Hulyo ang dugang nga 1 million doses sang Moderna COVID-19 vaccines kag 2 million doses naman sa Septyembre.
Matandaan nga nagpirma ang pungsod sang tripartite agreement sa amo nga American company para sa 20 million doses nga mga bakuna sa diin ang 13 million doses ang ipain para sa gobyerno kag ang nabilin nga 7 million doses naman ang para sa pribado nga sektor.
