SOUTHWEST,CHINA– Ang tagsa ka pungsod may kina iya nga nagkalain-lain nga kapiestahan nga ginatambungan kag gina kalanghawaan sang indi lang mga residente lakip man ang mga turista.
Sa Chengdu, Sichuan Province,may yara isa ka pinasahi nga kapiestahan nga ginadugukan sang madamo nga tawo bangud sa makawiwili nga tema sini.
Ini ang Insect Culture Festival sang The Insect Society sang Sichuan Agricultural University.
Pinasahi ini bangud sa nasambit nga kapiestahan gina serbihan nila sang buggy delicacies sang nga ginluto sang mga estudyante sang kolehiyo.
Huo insakto ang nabatian mo, pagkaon nga insekto kaangay sang tanga,buyog,tibakla kag iban pa.
Ang mga insekto gina serbi sa mga bisita kag nakabutang ini sa malaba nga lamesa kun sa diin nakabutang ang nagkalain-lain nga putahe sang insekto.
Suno sa Insect Society apisar nga magagmay ang mga insekto dako kag madamo naman ang mga nutrisyon nga dala sini kaangay sang proteins kag fat.
Nagalaom ang Insect Society nga mapakita nila sa mga nagtambong sang kapiestahan nga indi matuod nga makahaladlok ang mga insekto kundi ini ang masustansya man kag pwede man nga kan-on nga mangin source sang sustansya nga kinahanglan sang aton lawas.
