Kun kaisa imo mapaminsaran nga daw kaangay nga weird na ang iban nga mga pagkaon bangud sa mga kombinasyon sini.
Sin-o bala ang magdumdom nga halin sa pizza nga ang toppings amo lamang ang ham kag pineapple, apang sa subong may yara na sang nagkalain-lain nga sahi sang pizza.
May yara sang cookies ‘n creme pizza, talaba pizza kag shrimp pizza.
Kun pie naman ang aton istoryahan, indi na kita maglayo pa bangud paborito sang kadam-an ang buko pie kag egg pie.
Apang mangin paborito mo man ayhan ang ini nga pie kun imo na matilawan?
Ini ang ginatawag nga “Stargazy Pie”.
Pinasahi na naman nga pagkaon nga makapataas sang imo nga kilay.
Ang ini nga pie ang may yara man lang sang ulo kag ikog sang isda nga nakatungtong mismo sa ibabaw sang pie.
Ang England ang kilala sa mga nagkalain-lain nga pies humalin sa apple pie tubtob sa pork pie.
Madamo ang nagpa “wow” sa sini nga Stargazy Pie — sin-o bala ang magdumdom nga ang ulo kag ikog gali sang isda ang mahimo nga kombinasyon sa pie?
Nagkalain-lain man nga isda ang mahimo nga ibutang sa pie sa diin may yara ini sang lemon , herb kag mashed potato .
Gani ikaw kun prito kag pinaksiwan lang ang imo nahibaluan nga lutuon, try mo naman ang ini nga stargazy pie.
