ILOILO CITY – Manu-manuhon ang paglimpyo sa mga existing drainage system sa syudad kun mag-untat na ang pagbubo sang ulan.
Sa interview sang Bombo Radyo kay Iloilo City Mayor Jerry Treñas, iya ginpahayag nga ang basura nga ginahaboy sang mga tawo amo ang nagasupon kag rason kun ngaa nagakadugayan magsubside ang tubig-baha kun magmunog ang ulan sa syudad.
Ini suno sa iya ang report nga ginpalab-ot sa iya matapos ang review kag assessment nga ginhimo sang City Engineer’s Office kag sang mga tiglawas sang Department of Public Works and Highways (DPWH).
May pagakay-uhon pa nga mga kanal sa pila ka distrtito sa syudad kag dugangan ang mga pumping stations. Kay-uhon man ang mga declogging machines sang syudad agud makabulig sa mga tinawo sang Iloilo City Government sa ila trabaho.
