Pinay athelte nga si Robyn Brown, nagdaog sa 400m hurdles para sa pinakauna nga medal sang Pilipinas sa Asian Athletics Championships

ILOILO CITY – Nagkampyeon ang Filipina athlete nga si Robyn Brown sa women’s 400m hurdles sa 25th Asian Athletics Championships.

Bangud sini, nakuha sang Pilipinas ang pinakauna nga medalya sa nasambit nga hinampang.

Ang 28 anyos nga si Brown ang naka-record sang 57.50 seconds kag nalutos niya ang Japenese duo nga sanday Eri Utsunomiya kag Ami Yamamoto sa match nga ginpatigayon sa Supachalasai National Stadium.

Si Brown nga anak sang Filipina nurse nga naka-base sa Los Angeles ang silver medalist sa iya pet event sa 2023 Cambodia Southeast Asian Game kag bronze sa 2022 Hanoi edition.