Nalakip ang isa ka Filipina businesswoman kag beauty specialist sa judges sang Miss Universe 2022 pageant nga balantayan sa Domingo, Enero 15 (oras sa Pilipinas) sa New Orleans, Louisiana, USA.
Ini amo si Olivia Quido-Co nga isa ka chief executive officer kag founder sang isa ka skincare company sa California, USA.
Bilang isa ka master esthetician, halos 20 ka tuig nga nagbulig ang Pinay businesswoman agud feeling and looking radiant ang mga tawo.
Ang iya linya sang negosyo amo ang skincare sponsor sang sini nga global pageant sa sulod na sang apat ka tuig.
Kaupod ni Olivia sa magapungko sa all-women selection committee amo sanday Miss Universe 2010 Ximena Navarrete, rapper nga si Big Freedia, model nga si Mara Martin, Miss Universe 1998 Wendy Fitzwilliam, sports journalist nga si Emily Austin, TV host nga si Myrka Dellanos, executive sang isa ka American publicly traded company nga si Sweta Patel, Miss USA 2015 Olivia Jordan, kag executive sang isa ka social impact media and technology company nga si Kathleen Ventrella.
84 naman ka lovely candidates ang maga-compete para sa titulo nga Miss Universe 2022 kag magabulos sa reign ni Harnaaz Sandhu sang India.
Ang Filipino-Italian model kag realtor nga si Celeste Cortesi ang nagatiglawas sa Pilipinas kag tinguhaan sini nga malapawan pa ang Top 5 finish ni Beatrice Luigi Gomez para sa Pilipinas sang nagligad nga tuig. ##
