PARIS, FRANCE – Ginpamatud-an sang Pinay boxer nga si Aira Villegas nga indi upang ang homecourt advantage sa Paris Olympics 2024.
Suno kay Bombo Dinah Sauve, international correspondent sa Paris, France, iya ginpahayag nga madamo ang mga nagdayaw kay Villegas matapos nga nag-abanse na ini sa semifinal round sang women’s 50-kg sa boxing sa Paris Olympics 2024.
Ginlutos sang Pinay fighter ang hometown favorite nga si Wassila Lkhadiri via split decision sa quarterfinals.
Ginpahayag ni Sauve nga sa subong, bangud nag-abanse na si Villegas sa semifinals, sigurado na ini nga may yara sang dal-on nga medalya pauli sa Pilipinas.
Apang, nagalaom naman ang mga Pinoy fans nga madugangan pa gid ang gold medal sang Pilipinas pinaagi kay Villegas.
Sa semifinal round, atubangon ni Villegas ang Turkish nga si Buse Naz Cakiroglu sa Agusto 7, las 4:18 sa kaagahon, oras sa Pilipinas.
