Natapos ang kampanya sang Pinay tennis star nga si Alex Eala sa iya labing una nga pagpasakop sa Wimbledon matapos siya malutos sa una nga round batok sa defending champion nga si Barbora Krejcikova, sa score nga 6-3, 2-6, 1-6.
Nakuha ni Eala ang una nga set, apang sa ikaduha kag ikatatlo nga set, ginpakita ni Krejcikova ang iya abilidad bilang isa ka top-ranked player.
Nakuha ni Krejcikova ang 5-0 nga puntos sa ikaduha nga set.
Si Krejcikova nga Czech player, wala nakahampang sa quarterfinals sang Lexus Eastbourne Open sang nagligad nga semana bangud sang injury, samtang si Eala ang nakalab-ot pa sa finals sang amo man nga torneo.
Ginpasidunggan naman ni Krejcikova si Eala matapos siya nga gin-surprise sang Pinay player sa first round, nga isa ka mabaskog nga performance halin sa isa ka Wimbledon debutante.
Sa masunod nga round, atubangon ni Krejcikova ang magadaog sa tunga ni World No. 66 Caroline Dolehide kag World No. 94 Arantxa Rus.
Samtang si Eala padayon pa gihapon sa torneo sa women’s doubles, upod ang partner niya nga si Eva Lys, sa diin makasambuwa nila si Olga Danilovic kag Anastasia Potapova.
