Balantayan alas nueve subong nga aga (oras sa Pilipinas) ang labing-una nga hampang sang Pinay tennis star nga si Alex Eala sa main draw sang Australian Open.
Makasumpong ni Eala ang 25-anyos nga American player nga si Alycia Parks.
Si Parks ang nakilala anay sang napatasan sini ang record sang beterana nga tennis player nga si Venus Williams bilang fastest female server sa history.
Ini matapos naka-serve sang 129 miles per hour sa iya hampang sa first round sang 2021 US Open.
Nagapang-99 ini subong sa rankings sang Women’s Tennis Association (WTA) samtang nagapang-49 naman si Eala.
Magluwas sa singles, magahampang man si Eala sa doubles sa main draw sang Australian Open.
Makapares sini si Ingrid Martins sang Brazil batok kanday Shuko Aoyama sang Japan kag Magda Linette sang Poland.
Words by: Bombo Jissa Padios
