Igatiglawas sang isa ka Ilonggo athlete ang Pilipinas sa isa ka World Climbing Youth Championship.
Ini amo si Vans Marco Gasapo nga tumandok sang Tigbauan kag Mandurrioa Iloilo, City apang sa karon ang nagapuyo na sa New Zealand upod ang iya nga pamilya.
Sa interview sang Bombo Radyo sa iya ginikanan nga sanday Mark kag Vanessa, ila ginpahayag nga nagsugod pagkahuyog sang ila anak sa climbing bangud sa pagkadto-kadto sini isa ka local gym sa ila lugar.
Bilang ginikanan sini ginsuportahan man sang mga ini ang hilig sang ila anak agud mapursue sini ang interest niya.
Matapos ang tatlo ka tuig nga pagpractice sa climbing nakitaan sang potensyal si Vans kag madamo man ang nakadiskobre sa mga local clubs sa ila lugar nga madasig ang iya nga progress
sa amo nga sports.
Pahayag sang iya amay nga si Mark nga imposrtante gid ang pagsunod sa training schedule.
Importante man sa ila nga ginkanan nga masuportahan ang ila nga bata agud mapasangkad pa gid sini ang iya nga hilig.
Tuman naman ang ila nga pagka-proud sa ila anak bangud iga-presentar sini ang pungsod sa isa ka international competition kun sa diin indi lamang isa ka bugal para sa mga Ilonggo kundi sa bilog man nga Pilipinas.
