Naka-secure na sang bronze medal sa Tokyo 2020 Olympics ang Pinoy Boxer nga si Eumir Marcial.
Ginlutos ni Marcial sa Quarterfinal 2 sang Men’s Flyweight (48-52 kilograms) si Arman Darchinyan sang Armenia.
Nahibaluan nga sa round 1 pa lang, ginpatumba na ni Marcial si Darchinyan.
Sa Huwebes, Agosto 5 maga-abante na sa semi-finals sa men’s middleweight category si Marcial sa diin makasambuwa niya ang Ukrainian world champion nga si Oleksandr Khyzhniak.
Samtang, proud kag malipayon ang iloy sang Pinoy Boxer nga si Eumir Marcial matapos naka-secure ang iya anak sang bronze medal para sa pungsod Pilipinas sa Tokyo Olympics.
Sa exclusive interview sang Bombo Radyo kay Carmelita Marcial, Iloy sang Pinoy Boxer, iya ginpahayag nga bag-o ang sambuwa sang iya anak, nakatawag pa ini sa ila.
Ginpat-od sang boxer sa iya pamilya ang nga dako ang iya kumpyansa nga makuha ang kadalag-an.
Wala man nagakadulaan sang paglaom ang iloy nga mabulsa pauli sang iya anak ang gold medal sa Tokyo 2020 Olympics.
