Natalana nga hingalitan sang Filipino boxer nga si Melvin Jerusalem ang hometown advantage sa iya pagdepensa sang ginauyatan nga World Boxing Council (WBC) minimumweight title batok sa undefeated Mexican nga si Luis Angel Castillo sa Mandaluyong City College sa Domingo, Septyembre 22.
Ini ang mandatory defense ni Jerusalem matapos nagdaug sang belt kag napatilaw sa Japanese nga si Yudai Shigeoka ang una nga kapierdehan via split decision sang Marso 31 sa Nagoya, Japan.
Suno kay Michael Domingo, trainer sang Pinoy boxer, nahibaluan na nila nga si Castillo ang mangin mandatory challenger humalin sang nagdaug siya gani ila ini ginpreparahan sadto pa.
Samtang, apisar ini ang first career title shot ni Castillo kag pinakauna nga away sa gwa sang iya pungsod, dako ang pagsalig sang 27-anyos nga Mexican nga mangibabaw ini batok kay Melvin.
