Padayon nga ginabulong sa ospital ang isa ka Pinoy crew nga napilasan matapos na-igo sang missile sang Russia ang ginasakyan sini nga Japanese-owned, Panamanian-registered cargo ship Namura Queen sa Black Sea, malapit sa baybayon sang Ukraine.
Suno kay Bombo International Correspondent Josel Palma, direkta sa Japan, 20 ka Filipino nationals ang sakay sang nasambit nga cargo ship.
Padulong ang barko sa pungsod Turkey para sa damage assessment.
Una na ginpahayag sang Ukrainian authorities, nga ginpalupad sang Russian forces ang nag-igo nga missile.
Padayon naman nga gina-imbestigahan sang mga otoridad kun hungod ang natabo nga missile attack sa cargo ship ukon disgrasya lang.
