ILOILO CITY – Nagapabilin sa Pamela Youde Nethersole Eastern Hospital sa Hong Kong ang isa ka Pinoy driver nga gin-utod ang iya kinatawo bangud sa ginapahayag depression.
Ang biktima ang ginhinago lang sa ngalan nga alyas “Martin”, 42, tumandok sang Ilocos kag nagatrabaho bilang driver sa Shau Kei Wan sa Hong Kong.
Suno kay Bombo international correspondent Merly Bunda, gintuyo sang biktima nga mag-suicide.
Nasapwan na lang sang iya 37-anyos nga girlfriend ang biktima nga duguon sa comfort room sang ila apartment sa Ngoi Man Street.
Gin-utod sang biktima ang kinatawo gamit ang kutsilyo nga ginahiwa sang karne.
Indi naman masugpon ang nautod nga kinatawo ni Martin matapos nga iya ini gin-flush sa inidoro.
Nagpamalibad naman ang biktima nga idetalye ang rason sang ginapahayag depression sini.