Iloilo City – Nalakip ang isa ka pinoy sa mga casualties sa natabo nga massacre sa Star Ballroom dance studio sa Monterey Park sa California sa Amerika kadungan sang pagselebrar sang Lunar New Year.
Ang napatay amo si Valentino Alvero, 68, American citizen nga may Filipino descent.
Ang suspek naman amo si Huu Can Tran, 72, nga isa ka Asian-American National.
Indi pa matul-id ang motibo sang pagpamatay sang gunman bangud wala ini sang crime record sa pungsod.
Suno kay Bombo John Tacapan, International Correspondent sa California, madamo sang teorya nga posible rason sang pagpamatay sang gunman, apang wala ini sang kamatuoran bangud ginpatay man sang suspek ang kaugalingon matapos ginobra ang krimen.
Nahibaluan nga nagsaka sa 11 ang napatay, kag 9 ang pilason.
Ini amo ang ika-lima nga mass killing sa Amerika nga nagluntad sa pinakadako nga selebrasyon nga ginasaulog sang Asian cultures.
