Liwat nga nag champion sa bilog nga kalibutan ang Filipino karateka champion nga si James delos Santos.
Sa exclusive interview sang Bombo Radyo Iloilo kay De Los Santos, sang Cebu City, iya ginpahayag nga pinaka ‘the best’ nga nabaton niya nga birthday gift amo ang pagdaog niya sang 1st gold medal sa 2021 SportData eTournament World Series.
Ang nasambit nga tournament ang ginakabig nga pinaka prestihiyoso nga virtual karate tournament sa bilog nga kalibutan.
Ginlutos ni De Los Santos, ang pungsod France sa ika-16 nga round, Norway sang Quarterfinals kag Germany sang Semifinals.
Sa final round, ginlutos ni De Los Santos ang pungsod Africa.
Diri kag nakuha niya ang pinakauna nga gold medal subong nga 2021.
Ginpahayag niya nga madamo pa siya sang tournaments subong tuig kag ang una nga gold medal ang nangin dako nga inspirasyon agud magpadayon siya sa kadalag-an.
Nahibaluan nga si De Los Santos ang No. 1 sa world ranking sang Virtual Kata World Rankings sa diin nakatipon na siya sang 37 nga gold medal.
Bangud sa COVID-19 pandemic, virtual kata tournaments na lamang ang ginapatigayon sa diin nagapasa ang mga atleta sang videos online agud i-judge sang mga referees.
