ILOILO CITY – Ginkilala nga kampeon sa Belgium’s Got Talent ang Pinoy nga si Ian Lodens kag ang partner sini nga si Natascha Van Es.
Sa ginpatigayon nga grand finals sini nga kaagahon, oras sa Pilipinas, nagbilib ang audience kag judges sa acrobatic dance routine nga ginpakita sang Pinoy.
Sanday Lodens kag Van Es ang nakakuha sang pinakamataas nga boto.
Nahibaluan nga ang text votes ang solo nga ginbasehan sa pag-determine sang winner sa nasambit nga reality talent search.
Una na ginpahayag ni Lodens sa interview sang Bombo Radyo Iloilo nga magapadulong ini sa Pilipinas sa ti-on nga magkampeon sa Belgium’s Got Talent.