May nalakip nga Pilipino sa gin-aresto sang mga pulis sa Pakistan sa call center nga na-involve sa Ponzi schemes kag investment fraud.
Suno sa National Cyber Crime Investigation Agency, paagi sa sini nga fraudulent network, ginatunto ang publiko kag gina-kuhaan sang daku nga kantidad sang kuwarta. Naga-operate ang network sa syudad sang Faisalabad sa east nga parte sang pungsod.
“During the raid, a large call center was uncovered, which was involved in Ponzi schemes and investment fraud,” kabahin sang statement sang agency. “Through this fraudulent network, the public was being deceived and vast sums of money were being illegally collected.”
149 tanan ang nadakpan kun sa diin 78 ang Pakistanis, 48 ang Chinese, samtang ang iban naman ang naghalin sa Nigeria, sa Pilipinas, Sri Lanka, Bangladesh, Zimbabwe kag Myanmar.
18 naman ang mga babaye sa mga arestado. Tanan sila ang yara na sa kustodiya sang awtoridad.#
