Patay ang mag-utod nga Pinoy kag ginbawian man sang kabuhi ang duha ka iban pa sa isa ka insidente sang pagpangluthang sa Lancaster, California.
Ang mga Pinoy nga biktima amo sanday Janvi Maquindang kag Christine Asa-Ca.
Gintiro man ang nobyo ni Asa-Ca nga si Edwin Garcia.
Ginluthang-patay man ang tatlo ka mga ido sang mag-utod.
Gintiro man ang partner ni Maguindang nga si Matthew Montebello nga sa ospital na ginbawian sang kabuhi.
Ginpahayag man nga sang nag-abot ang mga pulis sa lugar, may yara man sang mga bombero nga nagapalong sang kalayo.
Wala pa sang naaresto nga responsable sa krimen kag wala man sang impormasyon tuhoy sa ginhalinan sang sunog.
Nahibaluan nga si Asa-Ac ang nagaserbe man nga legal guardian sang mag-utod nga yara sa balay sang natabo ang trahedya.
Kasunod sang insidente, naglunsar naman ang Maquindang family sang GoFundMe page agud makabulig sa gasto sa pagpalubong kag sa nabilin nga mga utod.
Gintawag naman nila nga “senseless act of gun violence” ang krimen.
