Ginkumpirma sang Department on Migrant Workers (DMW) nga napatay gid ang isa ka Pinoy seafarer matapos nga nasamaran ini sang gin-atake sang Houthi rebels ang ginsakyan sini nga barko samtang yara sa Gulf of Aden.
Gin-anunsyo ni DMW Secretary Hans Cacdac ang masubo nga impormasyon matapos nga natabo ang insidente sa MV Minervagracht sang Septyembre 29.
Nagpalab-ot ini sang pagpakig-unong sa pamilya. Sunod sa mandu sang presidente, magahatag man ang ahensya sang suporta kag assistance sa nalisdan nga pamilya.
Una na nga gin-report nga napilasan ang duha sa 12 ka mga Pinoy seafarers nga sakay sa amo nga barko.
Minor injuries lamang ang naangkon sang isa pa ka biktima.
Hilway naman sa katalagman nga nakabalik diri sa Pilipinas sang Sabado ang 10 ka iban pa nga mga seafarers.
Ginakabig ang Gulf of Aden nga isa ka high-risk area sa border sang Yemen kag Somalia, apang isa man ini sa pinaka-importante nga ruta para sa maritime trade.#
