Amat-amat na nga nakabalik sa Pilipinas ang Filipino seafarers nga sakay sa barko nga gin-atake na naman sang mga rebelde nga Houthis samtang yara sila sa Red Sea.
Apat ka Pinoy ang nakaupod sa latest batch nga nag-abot sa Ninoy Aquino International Airport.
Ang una nga batch nga may pito ka Pilipino ang nag-abot sang Oktubre 9 samtang ang nabilin naman nga siyam ang ginaproseso naman para makapauli.
Sakay sila sa M/V Minoan Courage nga gin-atake sang militante nga grupo sang Oktubre 1.
Ini nga crew ang makabaton sang assistance halin sa Department of Migrant Workers kag Overseas Workers Welfare Administration kag ipaidalom man sa psychiatric evaluations.
