ILOILO CITY – Ginpabalik ni Iloilo City Mayor Jerry Treñas sa mother unit ang pinuno sang Person’s With Disability Office nga si Bless Mabilog.
Ini ang kasunod sang nabuyagyag nga anomaliya tuhoy sa tagtaganay sang Person’s With Disability Identification Card kun sa diin nakabenepisyo ang isa ka American national.
Sa interview sang Bombo Radyo kay Treñas, iya ginpahayag ang tuman nga pagkadismaya bangud sa nasambit nga kontrobersiya kun sa diin iya na nga ginahibalo ang mga petsa sang pagpanghatag sang Identification Card.
Suno kay Treñas, ang benepisyo nga ginahatag sang gobyerno ang para lang sa mga Filipino rason nga kwestyonable kun nga-a nakakuha sang Person’s With Disability Identification Card ang wala na ginhingadlan nga dumulu-ong.
Ginpahayag ni Treñas nga santo sa impormasyon, sang Disyembre 26, 2019 pa ginhatag ang Identification Card sang dumuluong apang subong lang ini nabuyagyag.
