Madinalag-on nga napadala sang Pilipinas ang pinakauna nga kargamento sang pinya sa United Arab Emirates (UAE) bilang kabahin sang pagpasangkad sang merkado sang mga produkto nga pang-agrikultura sang Pilipinas sa Middle East.
Ginabanta 18 metriko tonelada sang premium nga pinya, nga nakabutang sa 1,500 kahon, ang nag-abot sa Port of Khor Fakkan ang mga pinya nga naghalin sa Tampakan, South Cotabato.
Suno sa Department of Agriculture (DA), ginalauman nga may regular nga padala sang pinya kada semana nga nagapakita sang padayon nga pagtaas sang demand para sa mga de-kalidad nga tropikal nga prutas gikan sa Pilipinas.
Magluwas sa pinya, plano man nga pasangkaron ang pag-export sang iban pa nga produkto halin sa Pilipinas kaangay sang saging, paho, durian, kag pomelo sa UAE, Saudi Arabia, kag iban pa nga pungsod nga kabahin sang Gulf Cooperation Council (GCC).
){kind=link}