ILOILO CITY–Nagapanawagan ang Pinagkaisang Samahan ng mga Tsuper at Operator Nationwide (Piston-Panay) sa gobyerno nga ibasura ang pagpatuman sang excise tax sa produkto petrolyo.
Sa interview sang Bombo Radyo kay Edgar Salarda, Presidente sang Piston-Panay, iya ginpahayag nga ang excise tax ang rason kun ngaa padayon nga nagataas ang presyo sang gatong.
Suno kay Salarda, makaluluoy ang mga driver bangud sa pagsaka na naman sang presyo sa diin maka-duha na ka bes nga nagsaka ang presyo sang gatong sa subong lamang nga bulan santo sa iya rekord.
Dugang pa niya, kun indi mahimo nga ibasura ukon isuspend man lang ang implemenstasyon sang excise tax, sigurado nga mataas pa gid ang presyo sang produktong petrolyo.
Sa subong, wala pa sang dugang nga saka sa plete sa jeep sa diin P8.50 sa gihapon ang padayon nga isukot sang mga driver sa regular nga pasahero.