Positibo ang mga transport group nga Pagkakaisa ng mga Samahan ng Tsuper at Operators Nationwide (PISTON) nga makadesisyon gilayon ang Korte Suprema nga magpagwa sang temporary restraining order (TRO) ukon writ of preliminary injunction agud punggan ang gobyerno sa pagpatuman sang Abril 30 nga deadline agud i-modernize kag i-consolidate ang mga public utility vehicles (PUVs) sa pungsod.
Sa interview sang Bombo Radyo kay Bayan Muna Chairman Atty. Neri Colmenares, co-counsel sang petitioner, iya ginpahayag nga dako ang mangin epekto sa mga drivers kag commuters sa tion nga madayon ang consolidation.
Suno kay Colmenares, indi na mabawi ang gutom nga maeskperyensyahan sang pamilya sang mga drivers kag operators nga madulaan sang palangabuhian.
Una na nga nanindugan si President Ferdinand “Bongbong” Marcos Jr. nga wala na sang matabo nga extension matapos ang Abril 30 nga deadline para sa consolidation bilang kabahin sang modernization program.
Sa tion nga indi makahingabot sa pag-consolidate subong nga adlaw, iga-revoke ang prangkisa sang mga wala nagpati nga operators — nagakahulugan nga ginadumilian na sila sa pag-operate bangud makabig na sila nga “colorum” kag kun madakpan, may penalidad nga idagdag.
Una nga gintalana ang deadline sang Disyembre 31, 2023, apang una nga gin-aprubahan sang president ang rekomendasyon sang Department of Transportation nga sayluhon ang deadline subong nga adlaw.
