USA – Nahisugtan na sang Estados Unidos kag Afghan Taliban ang pagpauntat sang kinagamo sa sulod sang pito ka adlaw.
Suno kay US Secretary of State Mike Pompeo, isa ini ka dako kag importante nga tikang para sa kahilwayan sang duha ka bahin.
Kun mangin madinalag-on, pagapirmahan na sang duha ka bahin ang ika una nga kasugtanan nga nagalaum nga tapuson na ang kinagamo.
Nabalay ang kasugtanan matapos ang halos isa ka tuig nga pag-istoryahanay sang duha ka bahin.
Sa ginpagwa nga pahayag sang Taliban negotiator, magahimo sila sang groundwork for peace sa bilog nga pungsod kadungan sang paglakat sang mga foreign forces.
Ginkasadya naman ni North Atlantic Treaty Organization Secretary General Jen Stolteberg ang nangin lihok sang duha ka bahin.
