Pito ka katapo sang NPA, patay matapos magbato sa tropa sang gobyerno sa Brgy. Atabay, San Jose, Antique

ILOILO CITY–Ginapangita sang mga otoridad ang isa ka katapo  sang Regional Taxation Implementing Group sang Kilusang Rebolusyonaryo-PANAY nga nakapalagyo sa engkwentro sa tunga sang tropa sang gobyerno sa Brgy. Atabay San Jose Antique.
Sa exclusive interview sang Bombo Radyo Iloilo kay Lt. Col. Sesinando Magbalot Jr., commanding officer sang 61st Infantry Batallion, ginpahayag sini nga ginserbehan sang warrant of arrest bangud sa kaso nga frustrated murder sang San Jose PNP sa pagpamuno ni Police Supt.  Mark Anthony Darroca ang rebelde nga si Jason Tagurda Sanchez sang Brgy. Igtuble, Tubungan, Iloilo nga assistance finance officer sang grupo kag Joven Ceralvo alyas Lex nga at large.
Sa baylo nga mag upod, nagbato pa ang rebelde nga grupo, diri kag nagpangayo sang bulig ang mga pulis sa militar sa diin nagdugay sang tunga sa oras ang engkwentro.
Napatay sa engkwentro ang subject sang warrant of arrest nga sanday Sanchez kag lima pa ka mga upod nga ginalakipan nanday Liezel Bandiola Alias Mayang, Nabas, Aklan nga Cultural Staff, sang grupo; Rene Agustin Yap , sang Pob, Leganes, Iloilo; Jason Estopido Talibo sang Indaluyon Igbaras Iloilo Finance officer sang grupo; Felix Velasco Salditos , sang Ilog, Negros Occidental kag Karen Cagampang Ceralvo sang Viscara Subd, Kalibo, Aklan anay tiayon sang nakapalagyo nga si Joven Ceralvo kag educational functional staff sang grupo.
Nakuhar sa crime scene ang mga granda, mga de kalibre nga armas, mga cellphone, laptops kag mga extortion letter.
Gin-athag naman ni Magbalot nga wala sang pilason sa pulis kag militar.