Wala nakaluwas ang pito ka mga barangay sa banwa sang Leganes, Iloilo matapos nga ginbaha bangud man sa Bagyo Kristine.
Sa interview sang Bombo Radyo kay David Sinay, Leganes Municipal Administrator, iya ginpahayag nga ang mga barangay ang yara sa low lying areas sang banwa rason man kon ngaa madasig ini ginsulod sang baha.
Suno kay Sinay, yara sa 1,317 ka mga pamilya ang naapektohan sang kalamidad nga ginakabug-usan 5,248 ka mga indibidwal.
Naglab-ot naman sa 32 ka mga balay ang totally damaged bangud man nga human ini sa light materials.
Samtang 1,184 naman ang partially damaged nga mga balay sa banwa.
Ginpahayag man sini nga 41 ka mga pamilya ang nag-evacuate sa evacuation center nga ginakabug-usan sang 141 ka mga indibidwal.
