ILOILO CITY – Nagpositibo sa drug test ang pito ka mga job hires sa Iloilo City Hall.
Ini ang resulta sang ginapatigayon nga drug testing bilang pagsunod sa memorandum order nga ginpapanaog ni Iloilo City Mayor Jerry Treñas nga nagamando sa pagpatigayon sang mandatory drug test para sa mga job hires.
Sa interview sang Bombo Radyo kay Mayor Treñas, iya ginpahayag nga ang mga job hires nga nagpositibo sa drug test ang maga-report sa kapulisan.
Una na nga ginpahayag sang alkalde nga may yara man sang “surprise drug test” para naman sa mga regular employees sang City Hall.
Samtang, ginpahayag man sang alkalde nga may yara man test kits nga mahimo nga mabulig ang syudad sa Iloilo City Police Office.
