Ginapa-alerto sang Philippine Atmospheric, Geophysical and Astronomical Services Administration (PAGASA) ang pito ka rehiyon sa Pilipinas bangud sa posible nga pagbaha subong nga adlaw, Mayo 2, base sa ginpagwa nga General Flood Advisory.
Apektado sang nasambit nga advisory ang mga masunod nga rehiyon kag probinsya:
Region 4B (MIMAROPA) – Palawan
Region 8 (Eastern Visayas) – Northern Samar, Leyte, Eastern Samar, Samar, Biliran, Southern Leyte
Region 9 (Zamboanga Peninsula) – Zamboanga del Sur, Zamboanga Sibugay, Zamboanga del Norte
Region 10 (Northern Mindanao) – Misamis Oriental, Lanao del Norte, Misamis Occidental, Camiguin, Bukidnon
Region 12 (SOCCSKSARGEN) – Sarangani, South Cotabato, Sultan Kudarat, North Cotabato
Region 13 (CARAGA) – Agusan del Norte, Surigao del Norte, Dinagat Islands, Surigao del Sur, Agusan del Sur
Bangsamoro Autonomous Region in Muslim Mindanao (BARMM) – Lanao del Sur, Maguindanao, Basilan
Suno sa PAGASA, ini nga mga lugar ang ginapaabot nga makaeksperyensya sang padayon nga pag-ulan dala sang low pressure area (LPA). Ang masami nga pag-ulan ang posible magapadayon sa pila ka oras kag magresulta sa pagsaka sang tubig sa mga suba kag sapa.
Ginapanugyanan sang mga otoridad ang mga pumuluyo sa mga apektado nga lugar nga maghanda kag mag-monitor sang panahon para malikawan ang peligro.
