Gintupok sang kalayo ang pito ka mga salakyan sa nagluntad nga sunog sa Brgy. Taft North, Mandurriao, Iloilo City.
Sa interview sang Bombo Radyo kay Fire Officer II Earl Anthony Darocca, imbestigador sang Iloilo City Fire Station, iya ginpahayag nga sa inisyal nga imbestigasyon, 2 ka motorsiklo ang totally burned, samtang 5 naman ang nadalahig pa, ukon partially burned.
Suno kay Darocca, posible nga electrical in nature ang ginhalinan sang kalayo kag mahimo nga nag-ground kag overheating ang rason sini.
Dugang pa sa natungdan, ginabanta P160,000 ang balor sang kahalitan ang ginbilin sang nasambit nga sunog.
