ILOILO CITY – Patay ang pito ka tuig nga bata matapos nga ginhimuslan kag ginpahayag ginkuga sang iya mismo amay sa sulod sang ila balay sa Barangay Loong, Concepcion, Iloilo.
Sa interview sang Bombo Radyo kay Police Major Samuel Vipinosa, hepe sang Concepcion Municipal Police Station, iya ginpahayag nga gin-ako mismo sang amay nga ginhimuslan niya ang iya anak.
Suno kay Vipinosa, ginpahayag sang suspect nga naka-inom ini sang makahulubog nga ilimnon rason nga nasal-an niya nga asawa niya ang biktima.
Sa imbestigasyon sang kapulisan, yara man sa sulod sang hulot ang asawa sang suspect, kag ang iban pa nila nga mga anak sang natabo ang pagpanghimulos.
Wala na nakasinggit ang biktima bangud nga isa ini ka apa apisar nga nagahulid man ang iya iloy.
Natukiban nga patay na ang pito ka tuig nga bata sang ginpukaw na sang aga.
Nakita ini nga wala na nagahulag, nagadugo ang ilong kag ang idalom nga panapton.
Santo naman sa panaysayon sa pamilya sang biktima, posible nga ginsakit anay sang suspect ang iya asawa antes ginhimuslan ang iya anak.
Apang, nagpanugid ang isa pa nila ka anak nga nakita niya ang iya amay nga nagsakay sa iya manghud kag ginsakit pa kag ginkuga.
Nagpamalibad pa ang amay nga suspect nga dal-on sa ospital ang iya anak apang nagpangayo sang bulig ang iloy sa palibot.
Sa subong, ginahulat sang Concepcion Municipal Police Station ang resulta sang autopsy sa bangkay sang biktima agud nga mapasaka na ang kaso nga Rape with Homicide ukon Parricide batuk sa suspect, depende sa resulta sang medico legal examination.
Preso na ang suspect sa Concepcion Municipal Police Station.
