Patay ang pito ka mga indibidwal matapos mabunggo ang isa ka private jet samtang nagapatigayon sang emergency landing sini malapit sa Toluca Airport sa pungsod sang Mexico.
Natabo ang insidente sa San Mateo Atenco, isa ka industrial area 50 kilometro ang kalayuon sa Mexico City.
Ginpahayag nga ang pribado nga eroplano may sakay nga walo ka pasahero kag duha ka crew
Suno sa Mexico State Civil Protection kaangay nga naga-tinguha ang eroplano nga maglanding sa isa ka football field, apang nagbunggo ini sa atop sang isa ka malapit nga establisyamento nga nagresulta sang daku nga sunog.
Samtang, ginpahayag ni San Mateo Atenco Mayor Ana Muñiz sa Milenio Television nga bangod sang sunog, gin-evacuate ang mga 130 ka tawo sa palibot nga lugar.
Nagresponde dayon ang mga emergency services sa lugar, kag siling sang mga opisyal nga magahatag pa sila sang dugang nga detalye samtang nagapadayon ang imbestigasyon.
