ILOILO – Kanselado ang palaabuton nga piyesta sa Disyembre 8 sa Calinog, Iloilo.
Sa interview sang Bombo Radyo kay Mayor Francisco Calvo, iya ginpahayag nga magapatigayon nalang sang kapyiestahan sa mga panimalay pinaagi sa paghanda ang mahimo himuon sang mga pumuluyo.
Suno kay Calvo, kinahanglan nga sundon ang mando sang provincial government nga wala sang mga selebrasyon nga matabo subong nga Disyembre.
Pahayag niya, unahon anay ang seguridad sang pumuluyo agud matapna ang paglapta sang COVID-19.
Dugang pa sang natungdan, kanselado man ang opening of lights sa mga plaza agud wala sang tawo nga magdugok.
