Paborito mo bala ang Pizza? French Fries? Chocolate? kag iban pa?
Ang ini nga mga pagkaon masami naton ginakaon bangud manamit ini kag saboroso.
Apang sa pihak sang saboroso nga damil sang ini nga mga pagkaon, ini man ang may yara sang malain nga epekto sa aton ikaayong lawas .
Suno kay Dr. Michael W. Smith, myembro sang Nutrition Wellness Educator Certification Pane, ang Pizza, Tsokolate kag French Fries ang tatlo sa mga pagkaon nga dapat naton likawan.
Nagapanguna ang Pizza nga may yara sang madamo nga calories kag saturated fats.
Suno kay Smith, mas maayo kun ang pizza nga may yara sang manipis nga crust, may vegetables ukon utan kag light cheese ang imo kan-on.
Ikaduha ang French fries, ang gamay nga order sang french fries may yara sang 230 calories kag mas maayo ang baked kompara sa fried nga french fries bangud sa mantika nga indi man maayo sa aton ikaayong lawas.
Ikatatlo amo ang tsokolate nga paborito sang mga bata, ang isa ka bar sang tsokolate ang may yara sang madamo nga kalamay, unhealthy fats kag preservatives.
Kun luyag mo gid magkaon sang tsokolate pilion mo ang dark chocolate bangud ini ang makapanubo sang blood pressure, makapaayo sang blood flow sa imo utok kag heart, kag naga protekta sang aton nga mga cells.
Maayo man ang tsokolate nga may yara sang cocoa content halin 70% tubtob 85%.
Ang ini nga mga pagkaon matuod nga manamit kag saboroso apang mas maayo nga likawan naton ang masami nga pagkaon sini agud mangin healthy kita.
