Plano sang Iloilo-Guimaras-Negros Bridge, isumiter na sa NEDA; taytay mangin icon – Sec. Villar

ILOILO CITY – Gina-finalize na sang Department of Public Works and Highways (DPWH) ang plano para sa tukuron nga Iloilo-Guimaras-Negros Bridge.

Sa iya pagpadulong diri sa siyudad sang Iloilo, ginpahayag ni DPWH Secretary Mark Villar nga sa katapusan sang Agosto, ila na igasumiter ang plano sa National Economic Development Authority (NEDA).

Suno sa tiglikom, 2018 mahimo na nga suguran ang nasambit nga taytay nga ginalauman nga makabulig sa pag-uswag sang ekonomiya sang Western Visayas.

Ginpahayag ni Villar nga ini na ang pinakalaba nga taytay sa bug-os nga pungsod bangud ang pinakamalaba nga taytay karon sa Pilipinas ang duha lang kilometro.

Dugang pa sang tiglikom nga mangin icon ang nasambit nga taytay nga may kalabaon nga 19 ka kilometro.