Gin-aprubahan sang Department of Agriculture (DA) ang plano sang Sugar Regulatory Administration (SRA) nga mag-export sang 100,000 metric tons sang raw sugar sa Estados Unidos sang Amerika.
Ang mayor nga tuyo sini suno sa DA amo nga protektahan ang income sang local raw sugar producers.
Paagi sa pag-export, mapanubo ang suplay sang domestic raw sugar matapos nagsaka sang 130,000 tons ang local farmer production.
Kun may ipain nga harvest para sa US tariff-rate quota, mas mapasaka man sini ang farmgate prices.
“We will export raw sugar under the US quota system as soon as possible to provide the industry immediate relief,” suno kay DA Secretary Francisco Tiu Laurel Jr.
Matandaan nga una na nga ginpalawig sang DA kag SRA ang pag-ban sa sugar importation tubtub sa Disyembre 2026 agud nga maproteksyunan man ang local producers bisan nga matapos na ang crop year sa Septyembre.
